Í flestum húsfélögum er starfandi virk stjórn, þar sem formaður, gjaldkeri og aðrir meðstjórnendur funda með reglulegum hætti.   Hversu virkir aðrir félagsmenn eru ræðst oft á tíðum af stærð húsfélaga og áhuga eigenda á að sinna eignum sínum.   Það hvernig stjórnir húsfélaga koma upplýsingum á framfæri til félagsmanna skiptir miklu máli og mikilvægt að rétt sé að öllu staðið,  til dæmis:
   

• Fundarboð aðalfundar eða húsfundar
• Dagskrá aðalfundar eða húsfundar
• Hvernig standa skuli að ákvarðanatöku á aðalfundi eða húsfundi
• Hvernig skipta á kostnaði vegna reksturs húsfélagsins
• Kjör stjórnar 
• Kynning á fyrirhuguðum framkvæmdum og viðhalds 
• Hvernig störfum húsvarðar skuli háttað
• Aðstoð við öflun tilboða 
    

Húsfélagaþjónustan BLOKKIR.IS er ekki bara kjörin leið fyrir stjórnir húsfélga til að tryggja góða yfirsýn yfir fjármál og  rekstur,  heldur líka leið til að fá ráðgjöf frá óháðun aðila, skýra yfirsýn og áætlanir til að kynna félgsmönnum.

Um almennan fund samkvæmt lögum nr. 26/1994

Á öðrum húsfundum en aðalfundi skal fjalla um þau mál sem tiltekin eru í fundarboði.

Almennir fundir eru haldnir:

• Þegar stjórnin telur það nauðsynlegt.
• Þegar þess er krafist skriflega af 1/4 hluta félagsmanna annaðhvort miðað við fjölda eða eignarhluta og skulu þeir jafnframt tiltaka þau málefni sem óskast rædd og tekin fyrir og afgreidd. Sinni stjórnin ekki án ástæðulauss dráttar þeirri kröfu er viðkomandi eigendum rétt að boða sjálfir til fundarins og halda hann og telst hann þá löglegur að öðrum skilyrðum fullnægðum.
• Þá skal enn fremur halda fund í samræmi við ákvörðun fyrri fundar.
  

Stjórn húsfélagsins á að boða til almenns fundar með minnst 4 og mest 20 daga fyrirvara.

Félagsmaður getur skotið ákvörðunum stjórnar sem honum við koma til húsfundar og á félagsmaður rétt á að fá ákveðin mál tekin fyrir til umræðu á húsfundi en ekki til atkvæðagreiðslu nema þess hafi verið getið í fundarboði. Séu allir félagsmenn hins vegar mættir getur fundurinn samþykkt afbrigði og tekið mál til umfjöllunar og atkvæðagreiðslu þótt þeirra hafi ekki verið getið í fundarboði.